HPS 2008

20November2019

Indonesian English Japanese Korean

SItus BBPP Lembang

HPS 2008

User Rating:  / 0
PoorBest 
INTERNATIONAL FOOD EXPO 2008
Dilaksanakeun di Dayeuh Bandung
Hiji ajen anu luhung keur kisunda

 

hps28_01.jpghps28_01.jpgPoe pangan sadunya anu ka XXVIII Tanggal 3 nepi ka 6 Desember 2008, mangrupikeun hiji ajen pikeun urang Jawa Barat. Teu hilap angkat jempol ka pupuhu sadayana, anu tos ngadeudeul eta kagiatan, naon margina, kieu geura : Mun di pikir di bulak balik sabenerna urang Jawa Barat mah moal kakurangan pangan, sabab loba pisan rupa - rupa bahan pangan nu aya di wewengkung urang, utamina sampeu, ganyol, taleus, boled jeung rea-rea deui, tinggal kumaha ngalalanyahanana supaya teu gumantung kana sangu tina beas jeung aya hiji kabiasaan goreng pikeun urang “sok sanajan tos barang tuang naon bae, upami teu acan kararaban sangu mah dianggapna teh teu acan tuang”. Padahal sampeu, jagong, roay, ganyol, boled, taleus tiasa di damel katuangan utama sapertos sangu, tina beas tea sareng hasilna pedo pisan.

 

 

            Kabiasaan di urang anu kedah di robih, kadang - kadang sok nganggap miskin ka jalma anu tuangna di luar sangu tina beas (tuang sampeu) sangkaan eta kedah dipiceunan sing tebih. Hal ieu tos dibuktoskeun ku wargi urang nu linggih di Kampung Cireundeu jalmina sehat-sehat, pinter, kuat. Sareng kantos ngobrol sering sesepuh anu yuswana langkung ti dalapan puluh taun…anjeuna teu acan pikun sareng capetang pisan, padahal anjeuna tuangna tina Rasi (beas sampeu). Saur kang asep “masyarakat di dieu mah tara dugi ka ngagaleuh Rasi tapi silih berean di antara masyarakat anu diatur ku panitren” (henteu ngukut ka pusing, ahirna matak sehat jeung panjang umur) kitu cenah ceuk sareat.

 

            hps28_02.jpghps28_02.jpgTeras deui, upami urang angkat ka tatar galuh diantawisna di Desa Sukamukti Kecamatan Pamarican atanapi di Desa Bangun Jaya Kecamatan langkap lancar anu masyarakatna tos tiasa ngokolakeun katuangan di luar sangu (beas). Sareng tos tiasa ngadamel rupi - rupi katuangan anu kacida raosna. “Eta teh mangrupikeun hiji ajen anu kedah dibewarakeun ka daerah anu sanes sok sanaos paceklik oge, teu sieun kakirangan tuangeun” ceuk kang Yuda (pendamping desa mandiri pangan di Kabupaten Ciamis).

 

            Tiap desa anu kapilih jadi desa mandiri pangan dijejeran rata - rata dua petugas saperti di Desa Sukamukti Kecamatan Pamarican. Kang Yudi Ruhyadi, SP. Sareng Neng Yulianti Yusuf, ari di Desa Bangunjaya Kecamatan Langkap lancar dijejeran ku Kang Isep Saepullah sareng Neng Nur’aidah ari hasilnya kalingkang sae, sareng majeng dina raraga ngawangun lembur, nata ekonomi di padesaan, sangkan leupas tina kamiskinan, tina kakurangan gizi, sarta leupas tina kalaparan.

 

            Salian ti patugas anu ngajejeran disusun oge kapungurusan / kelompok pangan padesaan anu ngalibatkeun Tokoh Masyarakat, Tokoh Agama, Penggerak PKK Desa, Pamong sareng anggota kelompok sejena.

 

            “Cing saur ende kumaha?”

            Program di pamarentah tos aya, tempat pikeun kagiatanna tos aya, ieu mah tinggal kadaek urang na saneh kitu??? Hehehe….Numawi, kagiatan “INTERNATIONAL FOOD EXPO 2008” dilaksanakeun di Jawa Barat teh cocok, saluyu pikeun lenyeupaneun dina raraga ngawujudkeun masyarakat anu adil paramarta, gemah ripah loh jinawi, satuhu satia, karana dirina, agamana katut nagarana. Aminn....

Tentang Kami

bbpp lembang kantor sampingbbpp lembang kantor samping

Motto kami:
           Taqwa dalam beragama,
           Santun dalam Berperilaku,
           Prima dalam Berkarya

Hubungi Kami

  • Kantor: Jl. Kayuambon 82
    Lembang, Bandung Barat
    Pos 40791 Jawa Barat, INA
  • Tel/Fax: (+6222) 2786234 - 2789783